කෙසේ වෙතත් සිම්බාබ්වේ කණ්‌ඩායමට අවසන් මහා තරගයට පැමිණීමට නම් තවත් සුළු අවස්‌ථාවක්‌ ඉතිරිව ඇති අතර එහිදී හෙට පැවැත්වෙන බංග්ලාදේශ සහ ශ්‍රී ලංකාව අතර තරගය අඩු ප්‍රසාද ලකුණු සංඛ්‍යාවක්‌ සහිතව ශ්‍රී ලංකාව පරාජය විය යුතුවේ. යම් හෙයකින් ප්‍රසාද ලකුණු සංඛ්‍යාව ඉහළ නගින තරග රටාවක නිරත වෙමින් ශ්‍රී ලංකාව හෙට තරගය පරාජය වුවද අවසන් මහා තරගයට පිවිසීමේ අවස්‌ථාවක්‌ නිර්මාණය වී තිබේ.
ඊයේ තරගයේදී බංග්ලාදේශ පිතිකරුවන්ව දැඩි අමාරුවක දැමූ සිම්බාබ්වේ කණ්‌ඩායම ඔවුන්ගේ පළමු කඩුලු අටම ලකුණු 180 ක් වන විට ගලවා දැමුවේ. එහෙත් බංග්ලාදේශ අවසන් පිතිකරුවන් තිදෙනා මුළු ලකුණු සංඛ්‍යාව 216 දක්‌වා බංග්ලාදේශ පිල ඔසවා තැබීමට සමත් වුහ.
සිම්බාබ්වේ කණ්‌ඩායමට ජයග්‍රාහී බලාපොරොත්තුවක්‌ මෙම තරගයේදී පෙනෙන්නට තිබුණද එයට හරස්‌වූ ෂකීබ් උල් හසන් ඇතුළු බංග්ලාදේශ පන්දු යවන්නෝ මුළු ලකුණු සංඛාව 34 ක් වන විට පිතිකරුවන් සිව්දෙනකු ක්‍රීඩාගාරයට හරවා යෑවුවේය. එතැන් සිට සිම්බාබ්වේ ඉනිම ප්‍රාණවත් කිරීමට කිසිදු පිතිකරුවකුට බංග්ලාදේශ පන්දු යවන්නන්ගෙන් ඉඩක්‌ නොලැබුණි.
බංග්ලාදේශ ජයග්‍රහණය වෙනුවෙන් ආරම්භක පිතිකරු තමීම් ඉක්‌බාල් තරගාවලියේ තෙවැනි අර්ධ ශතකය වාර්තා කිරීමට සමත් වූ අතර ඔහු පන්දු 105 කදී හතරේ පහර හයක්‌ සමග ලකුණු 76 ක් ලබා ගත්තේය. පළමු කඩුල්ල ලකුණු 6 දී බිඳ වැටුණද ඉක්‌බාල් සහ ෂකීබ් උල් හසන් දෙදෙනා දෙවැනි කඩුල්ලට ලකුණු 110 ක සබඳතාවක්‌ පිහිටුවීමට සමත් වූහ. එහිදී ෂකීබ් පන්දු 80 කදී හතරේ පහර හයක්‌ සමග ලකුණු 51 ක් ලබා ගත්තේය.
ලකුණු තත්ත්වය
බංග්ලාදේශය පන්දුවාර 50 කදී කඩුලු 9ට ලකුණු 216 යි. (තමීම් ඉක්‌බාල් 76, ෂකීබ් උල් හසන් 51, මුෂිකර් රහීම් 18, මුස්‌ටµsසර් රහමන් 18, ජර්විස්‌ 42/3, ක්‍රීමර් 32/4 යි.)
සිම්බාබ්වේ පන්දුවාර 36.3 කදී සියල්ල දැවී ලකුණු 125 යි. (සිකන්දර් රාසා 39, ග්‍රැහැම් ක්‍රීමර් 23, ශකීබ් අල් හසන් 3/34, මුස්‌ටµsසර් රෙහමාන් 2/16, සන්සුමුල් ඉස්‌ලාම් 2/28)
(දිවයින)
